ಧಾರವಾಡ ಜಿಲ್ಲೆ ಕುಂದಗೋಳ ತಾಲೂಕಿನ ಮಂಗಸೂಳಿ – ಲಕ್ಷ್ಮೇಶ್ವರ ರಾಜ್ಯ ಹೆದ್ದಾರಿಯಲ್ಲಿನ ಶಿರೂರು ಗ್ರಾಮದ ರೇಲ್ವೆ ಸೇತುವೆ ದುರಸ್ತಿ ಕಾಮಗಾರಿ ಬಹುತೇಕ ಶೇ.90 ರಷ್ಟು ಮುಕ್ತಾಯವಾಗಿದೆ.
ಅಂತಿಮ ಹಂತದ ಕಾಮಗಾರಿ ಕೈಗೊಳ್ಳಲು ಈ ಮಾರ್ಗದ ವಾಹನ ಸಂಚಾರವನ್ನು ಫೆಬ್ರವರಿ 25 ರಿಂದ ಮಾರ್ಚ 16ರ ವರೆಗೆ ನಿಷೇಧಿಸಲಾಗಿದೆ.
ಪರ್ಯಾಯ ಮಾರ್ಗವಾಗಿ ಸಂಶಿ-ಬಸಾಪೂರ-ಶಿರೂರು, ಸಂಶಿ-ಹಿರೇನರ್ತಿ-ಕುಂದಗೋಳ ಅಥವಾ ಸಂಶಿ-ರೊಟ್ಟಿಗವಾಡ-ಹುಬ್ಬಳ್ಳಿ ಮಾರ್ಗಗಳ ಮೂಲಕ ಸಂಚರಿಸಬಹುದು.
ಸಾರ್ವಜನಿಕರು ಸಹಕರಿಸಬೇಕೆಂದು ಲೋಕೋಪಯೋಗಿ ಇಲಾಖೆಯ ಕಾರ್ಯನಿರ್ವಾಹಕ ಅಭಿಯಂತರರಾದ ಎಸ್.ಬಿ. ಚೌಡಣ್ಣವರ ಪ್ರಕಟಣೆಯಲ್ಲಿ ಕೋರಿದ್ದಾರೆ.